Mott yn gadael Morgannwg

Mae Criced Morgannwg wedi cyhoeddi y bydd eu pennaeth perfformiad elit, Matthew Mott, yn gadael y clwb pan ddaw ei gytundeb presennol i ben.

Mae Mott wedi penderfynu dychwelyd i Awstralia, ond bydd yn parhau'n gyfrifol am y tîm cyntaf tan ddiwedd y tymor.

Dywedodd prif weithredwr Criced Morgannwg, Alan Hamer:

"Hoffwn ddiolch yn bersonol i Matthew am ei gyfraniad i'r clwb yn ystod y tair blynedd diwethaf...

"Unwaith y mae'r tymor wedi dod i ben, byddwn yn dechrau ar y broses o gael hyd i hyfforddwr newydd ar gyfer y tîm cyntaf."