Accrington 0-2 Caerdydd

Mae Caerdydd wedi maeddu Accrington Stanley yn ail rownd Cwpan Capital One.

Hon oedd y gêm gystadleuol gynta' rhwng y ddau dîm.

Roedd hi'n 0-0 ar yr egwyl.

Ar ôl 60 munud sgoriodd Nicky Maynard â'i droed dde cyn i Rudy Gestede rwydo funud a hanner yn ddiweddarach.

Nid oedd y newyddion i gyd yn dda - cafodd Andreas Cornelius anaf i'w figwrn oherwydd tacl ffyrnig.

Ni fydd ar gael i chwarae yn erbyn Everton ddydd Sadwrn.

Bydd Caerdydd yn wynebu West Ham oddi cartre' yn nhrydedd rownd Cwpan Capital One.