Creu 60 o swyddi yn Abertawe wrth i glwb ailagor

Bydd cyn glwb nos yn Abertawe yn ailagor a 60 o swyddi'n cael eu creu.

Grŵp Luminar sy'n gwario £1.2m wrth adnewyddu hen adeilad yr Odyssey gaeodd yng nghanol y ddinas wyth mis yn ôl.

Dywedodd y cwmni y byddai'r clwb ar gyfer uchafswm o 1,700 yn Little Wind Street yn lle clwb yr Oceana.

Bydd y clwb newydd yn agor ym Medi ac mae cytundeb ar gyfer prydles 25 o flynyddoedd wedi cael ei lofnodi.

Dywedodd y cyfarwyddwr rhanbarthol Trevor Ellard: "Mae ein clybiau ni wedi bod yn y ddinas ers dros 30 mlynedd ac roedden ni am ddod o hyd i le arall pan gaeodd Oceana.

"Mae'r clwb newydd mewn lleoliad delfrydol ac yn gyfle i ni gynnig profiad gwahanol mi glybwyr."

Oceana oedd y clwb nos mwya' yn Abertawe.

Yn 2011 buddsoddwyr achubodd y clwb pan aeth hen glwb y Luminar i ddwylo'r gweinyddwyr.

Fe gaeodd y clwb ym Mai am ei bod yn anodd denu cwsmeriaid.