Tân: Pump o bobl wedi eu cludo i'r ysbyty

Mae diffoddwyr tân ar hyn o bryd yn diffodd tân mewn tŷ ar Ffordd Y Morfa, Abergele.

Cafodd y gwasanaethau brys eu galw am 11.02 ddydd Mercher, ac aeth criwiau o'r Rhyl, Bae Colwyn, Wrecsam a Phrestatyn, a'r platfform ysgol awyr o'r Rhyl, i gyd i Abergele er mwyn mynd i'r afael â'r tân.

Roedd y tân dan reolaeth erbyn 13.13.

Cafodd pobl oedd yn yr adeiladau bob ochr i'r tŷ eu symud.

Mae pump o bobl wedi cael eu cludo i'r ysbyty mewn ambiwlans ar gyfer archwiliadau meddygol.

Mae ymchwiliad i achos y tân ar y gweill.