Digwyddiadau i nodi 70 mlynedd ers diwedd y rhyfel

Mae baner Jac yr Undeb yn hedfan yn Neuadd y Sir, RhuthunDenbighshire County Council

Mae baner Jac yr Undeb yn hedfan yn Neuadd y Sir, Rhuthun, i nodi 70 mlynedd ers diwedd yr Ail Ryfel Byd

Mae cyfres o ddigwyddiadau'n cael eu cynnal ar draws Cymru'r penwythnos hwn i nodi 70 mlynedd ers diwrnod Buddugoliaeth yn Ewrop.

Cafodd clychau eu canu yng Nghaerdydd, Aberhonddu a Sir Benfro am 11:00 ddydd Sadwrn yn ystod ail ddiwrnod o ddathliadau.

Ddydd Gwener roedd dau funud o dawelwch wedi'i gynnal ar draws y wlad, a choelcerthi wedi'u cynnau, i nodi'r union amser y daeth yr Ail Ryfel Byd i ben.

Ar 8 Mai 1845 cafodd cannoedd o goelcerthi eu tanio i ddathlu diwedd y rhyfel.

Ymhlith y digwyddiadau'r penwythnos hwn mae arddangosfeydd arbennig a nifer o bartïon a dathliadau gyda themâu'r 1940au.

Cardiff Castle beacon

Fflam ar Gastell Caerdydd nos Wener

Cafodd fflam ei chynnau ger Cadeirlan Aberhonddu nos Wener hefydSara Miles

Cafodd fflam ei chynnau ger Cadeirlan Aberhonddu nos Wener hefyd

line

Dydd Sadwrn

  • Canu clychau am 11:00 yng Nghadeirlan Llandaf, Eglwys Sant Ioan yng Nghaerdydd, Eglwys Gadeiriol Tŷ Ddewi, a Chadeirlan Aberhonddu

  • Mae Clwb Gweithwyr Abertyswg yn cynnal noson o ddathlu yng Nghlwb y Lleng Brydeinig o 19:00

  • Porth Tywyn - arddangosfa diwrnod Buddugoliaeth yn Ewrop yn cael ei chynnal yn y Neuadd Goffa

Dydd Sul

  • Castell Caerdydd - picnic teuluol gyda thema 1940au ac arddangosfeydd milwrol (12:00 tan 16:00)

  • Cyffordd Llandudno - gwasanaeth arbennig yn Eglwys St Michael o 10:30

  • Blaenafon - parti ar thema'r 1940au gyda digwyddiadau i'r teulu (prynhawn)

  • Yr Wyddgrug - digwyddiad cymunedol ar thema'r 1940au ar Sgwâr Daniel Owen

Digwyddiad yn Aberhonddu i nodi diwrnod Buddugoliaeth yn EwropSara Miles

Digwyddiad yn Aberhonddu i nodi diwrnod Buddugoliaeth yn Ewrop

Digwyddiad cofio yn AberhondduSara Miles

Digwyddiad cofio yn Aberhonddu

Straeon perthnasol