Stevenage 3-1 Casnewydd
- Cyhoeddwyd
Hon oedd gôl rhif 11 i Matt Godden y tymor yma
Fe wnaeth Matt Godden sgorio hatric wrth i Stevenage guro Casnewydd, hon oedd yr wythfed gêm yn olynol i'r Alltudion golli yn yr Ail Adran.
Aeth y tîm cartref ar y blaen wrth i Godden ergydio yn dilyn croesiad Steve Schumacher, a daeth ail gôl Godden ychydig cyn yr egwyl.
Yn yr ail hanner, sgoriodd Godden o'r smotyn ar ôl i Ben Kennedy droseddu yn erbyn Sid Nelson.
Dan Butler sgoriodd gôl gysur Casnewydd.
Golygai'r canlyniad fod Casnewydd yn parhau ar waelod yr Ail Adran, pedwar pwynt y tu ôl i Cheltenham.
