Dyn yn gwadu achosi marwolaeth dynes yn Sir y Fflint

Mae dyn wedi gwadu achosi marwolaeth dynes yn Sir y Fflint y llynedd drwy yrru'n beryglus.

Fe fuodd Carol Olive Boardman, oedd yn fam i'r cyn bencampwr seiclo Olympaidd Chris Boardman, farw ar 16 Gorffennaf y llynedd.

Roedd hi ar ei beic pan fu mewn gwrthdrawiad â fan yng Nghei Connah.

Fe ymddangosodd Liam Rosney, 31 oed, yn Llys y Goron Yr Wyddgrug ddydd Gwener, wedi ei gyhuddo o achosi ei marwolaeth trwy yrru'n beryglus ac o geisio gwyrdroi cwrs cyfiawnder.

Hefyd, fe ymddangosodd Victoria Rosney, 31 oed yn y llys, wedi ei chyhuddo o geisio gwyrdroi cwrs cyfiawnder, ac fe wadodd hi'r cyhuddiad.

Fe fydd y ddau, sydd yn dod o Gei Connah, yn sefyll eu prawf ar 9 Gorffennaf.