Owen Williams yn ganolwr wrth i Gymru wynebu Awstralia
- Cyhoeddwyd
Fe wnaeth Owen Williams ennill ei gap cyntaf i Gymru yn erbyn Tonga yn 2017
Mae'r maswr Owen Williams wedi ei ddewis fel canolwr wrth i Gymru ddewis y 15 fydd yn wynebu Awstralia yng Nghaerdydd ddydd Sadwrn.
Josh Navidi o'r Gleision sydd wedi ei ddewis yn safle'r blaenasgellwr, yn dilyn anafiadau i Sam Warburton a Justin Tipuric.
Mae Leigh Halfpenny yn dychwelyd i safle'r cefnwr gyda Liam Williams yn symud i'r asgell.
Mae prop y Dreigiau, Leon Brown, 21 oed, yn cael cyfle i ennill ei gap cyntaf o'r fainc, ac felly hefyd Sam Cross o'r Gweilch.
Gan fod Warburton a Tipuric wedi eu hanafu a Ross Moriarty ond wedi chwarae un gêm i Gaerloyw oherwydd anaf, mae Aaron Shingler hefyd wedi ei ddewis fel blaenasgellwr.
Mae Josh Navidi wedi ei ddewsi yn safle'r blaenasgellwr.
Dywedodd hyfforddwr Cymru Warren Gatland fod "hon yn gêm gyntaf galed, a bydd angen i fod yn gystadleuol o'r dechrau".
Ychwanegodd: "Rydym wedi dewis carfan yn llawn talent a chwaraewyr sy'n chwarae'n dda felly rwy'n llawn cyffro."
Un arall sydd â chyfle i ennill ei gap cyntaf o'r fainc yw canolwr y Gweilch Owen Watkin.
Golygai anafiadau a'r awydd i gyflwyno talent newydd mai dim ond cyfanswm o 37 cap sydd rhwng yr wyth chwaraewr sydd ar y fainc i Gymru.
Bydd Awstralia yn wynebu'r un pump blaen a wnaeth golli i Ffrainc yng ngêm olaf Pencampwriaeth y Chwe Gwlad, ond mae'r rheng ôl wedi newid yn llwyr, gyda Taulupe Faleatu yn cymryd lle Moriarty yn safle'r wythwr.
Hefyd yn eisiau o'r tîm gafodd eu trechu 20-18 mae'r olwyr George North, Scott Williams a Rhys Webb.
Tîm Cymru i wynebu Awstralia
Olwyr: Leigh Halfpenny (Scarlets), Liam Williams (Saracens), Jonathan Davies (Scarlets), Owen Williams (Caerloyw), Steff Evans (Scarlets), Dan Biggar (Gweilch), Gareth Davies (Scarlets);
Blaenwyr: Rob Evans (Scarlets), Ken Owens (Scarlets), Tomas Francis (Caerwysg), Jake Ball (Scarlets), Alun Wyn Jones (Cap) (Gweilch), Aaron Shingler (Scarlets), Josh Navidi (Gleision), Taulupe Faletau (Caerfaddon).
Eilyddion: Kristian Dacey (Gleision), Nicky Smith (Gweilch), Leon Brown (Dreigiau), Cory Hill (Dreigiau), Sam Cross (Gweilch), Aled Davies (Scarlets) , Owen Watkin (Gweilch), Hallam Amos (Dreigiau).
Tîm Awstralia
Olwyr: Beale; Koroibete, Kuridrani, Kerevi, Hodge; Foley, Genia.
Blaenwyr: Sio, Polota-Nau, Kepu, Simmons, Coleman, Hanigan, Hooper (capt), McMahon.
Eilyddion: Moore, Robertson, Alaalatoa, Philip, McCalman, Phipps, Hunt, Speight.
