Cymru 1-0 Kazakhstan
- Cyhoeddwyd
Fe lwyddodd cic-rydd hwyr gan Hayley Ladd i sicrhau'r fuddugoliaeth i ferched Cymru yn eu gêm yn erbyn Kazakhstan yng ngemau rhagbrofol Cwpan y Byd 2019, nos Wener.
Yn dilyn hanner cyntaf ddigon caled i dîm Jayne Ludlow, ni ddaeth llawer o gyfle i Gymru fynd ar y blaen, gan fod yr ymwelwyr amddiffyn yn gadarn ac yn dal eu tir yn dda.
Fe ddaeth cyfle i Gymru yn yr ail hanner, gyda chyfleoedd gan Natasha Harding ac Angharad James.
Ond Ladd ddaeth a'r gôl angenrheidiol, a arweiniodd yn y pen draw at y tri phwynt i Gymru.
Wedi dweud hynny, roedd golwr Kazakhstan, Zheleznyak wedi creu argraff drwy gydol y gêm, ac wedi llwyddo i gadw'r bêl allan o'r rhwyd ar sawl achlysur.
Mae Cymru'n parhau ar frig Grŵp 1 wedi'r fuddugoliaeth.
