Arestio dyn wedi i ddau gael eu trywanu yng Nghaerdydd
- Cyhoeddwyd
Roedd yr heddlu'n parhau i fod ar safle'r digwyddiad ddydd Llun
Mae dyn 35 oed wedi cael ei arestio yn dilyn digwyddiad lle cafodd dau ddyn eu trywanu yng Nghaerdydd.
Cafodd swyddogion arfog o Heddlu De Cymru eu galw i Inverness Place yn ardal Y Rhath yng Nghaerdydd am tua 19:40 nos Sul.
Mae'r heddlu wedi cadarnhau fod dyn 17 oed ac un arall 23 oed wedi eu cludo i Ysbyty Athrofaol Cymru i gael triniaeth.
Fe gadarnhaodd yr heddlu fod pobl wedi cael eu trywanu mewn digwyddiad yn Y Rhath nôs Sul
Mae trydydd dyn, 26 oed, hefyd yn yr un ysbyty gydag anafiadau tebyg.
Mae'r tri mewn cyflwr sefydlog.
Parhau yn y ddalfa mae'r dyn 35 oed sydd wedi ei arestio ac mae ymchwiliad yr heddlu'n dal i ddigwydd.
Cafodd heddlu arfog, dau ambiwlans a meddyg eu galw i'r digwyddiad
