Beiciwr mewn cyflwr difrifol wedi gwrthdrawiad yn Nhredelerch
- Cyhoeddwyd
Digwyddodd y gwrthdrawiad ar Heol Caeglas, Tredelerch brynhawn Sadwrn
Mae Heddlu'r De yn apelio am dystion i wrthdrawiad yn cynnwys beic modur i gysylltu â nhw.
Digwyddodd y gwrthdrawiad toc wedi 17:00 brynhawn Sadwrn yn Heol Caeglas, Tredelerch ar gyrion Caerdydd.
Cafodd y beiciwr ei gludo i Ysbyty Athrofaol Caerdydd ac mae'n parhau mewn cyflwr difrifol.
Bu'r ffordd ar gau am bedair awr tra bod yr heddlu'n cynnal ymchwiliadau, ac maent yn galw ar unrhyw un a welodd y beic modur ar hyd yr heol brynhawn Sadwrn i ffonio 101 neu linell Crimestoppers.
