Cofnodi brwydr Rorke's Drift yn y Sioe Frenhinol

Un o atyniadau mawr y Sioe Frenhinol ddydd Llun oedd seremoni ar y cyd rhwng y Zulu a chatrawd y Cymry Brenhinol i nodi 140 o flynyddoedd ers brwydr Rorke's Drift.

Roedd Brenin y Zulu, Goodwill Zwelithini yn bresennol yn ogystal â'r Tywysog Charles.

Digwyddodd brwydr Rorke's Drift yn 1879 pan lwyddodd 150 o filwyr Prydeinig i wrthsefyll dros 4,000 o filwyr Zulu.

Roedd nifer o Gymry yn rhan o'r frwydr.

Cafodd 11 o fedalau Croes Fictoria eu rhoi i'r ymladdwyr - y nifer fwyaf ar gyfer un frwydr unigol yn hanes milwrol Prydain.