Castell-nedd: Enwi dyn a fu farw wedi ymosodiad ger clwb nos

Mae'r heddlu wedi cyhoeddi enw dyn a fu farw yn dilyn ymosodiad ger clwb nos yng Nghastell-nedd.

Bu farw Matthew Thomas, 47 o Gastell-nedd, ar ôl ymosodiad arno ger clwb nos The Arch ar Stryd Commercial tua 00:50 fore Gwener.

Aed â Mr Thomas i'r ysbyty ond bu farw o'i anafiadau fore Sadwrn.

Dywedodd Heddlu De Cymru eu bod wedi cyhuddo dyn 34 oed o Hampshire o lofruddiaeth.

Bydd yn ymddangos gerbron Llys Ynadon Abertawe ddydd Llun.