Qatar 2022: Ikiganiro n’impuguke, abatoza, n’abanyarwanda baba muri Qatar

Mwaramutseho mwese, tugeze mu mwanya w'ikiganiro Imvo n'Imvano-kuri uyu wa gatandatu turasubira mu gikombe cy'isi,hashize hafi icyumweru igikombe cy'isi kirangiye muri Qatar igikombe cyatwawe na Argentine itsinze Ubufaransa kuri za penalty 4-2 nyuma y'umukino wamaze iminota 120 amakipe yombi anganya ibitego 3-3 .

Turasubiza amaso inyuma gato iby'ingenzi byaranze iki gikombe n'amasomo cyane cyane ku bihugu byo mu karere k'Afrika y'iBurasirazuba byaba bivanyemo-Mu bihugu byagiye mu mikino ya nyuma Afrika yari ifitemo ibihugu 5- Kuva igikombe cy'isi cyakinwa nta gihugu na kimwe cy'afrika y'i Burasirazuba kirayitabira Ese harabura iki ngo bishoboke?

Impuguke mu mupira w'amaguru zivuga ko umupira w'amaguru ugezweho wigwa mu mashuri azwi nka 'academy'- kandi ko gukina ku rwego rwo hejuru mu marushanwa akomeye bisaba kugira ibikoresho n'ibikorwa remezo bihagije by'umupira w'amaguru.

Muri iki kiganiro turabanza tubageze muri Qatar tuganire n'umwe mu banyarwanda bacye babayo twumve ubuzima babayeho muri icyo gihugu cyabaye icya mbere mu bihugu by'abarabu gutegura igikombe cy'isi.