Nan muka kawo karshen shirin
Da fatan za ku tara a shirinmu na gobe domin jin wasu labarin wasanni
Cinikin 'yan wasan tamaula a kasuwar nahiyarTurai
Labarai kai tsaye kan wainar da ake toyawa a kasuwar musayar 'yan kwallo ta nahiyar Turai, da ma sauran abubuwan da ke gudana a duniyar wasanni.
Rahoto kai-tsaye
Naziru Mikailu and Mohammed Abdu
Kwantan wasan Firimiyar Nigeria
Asalin hoton, LMCNPFL
Burnley ta dauki Bardsley
Burnley ta kammala daukar mai tsaron bayan Stoke City, Phil Bardsley. Dan wasan mai shekara 32 ya saka hannu kan yarjejeniyar shekara biyu a Turf Moor.
Asalin hoton, Getty Images
Dembele zai ci gaba da zama a Celtic
Brendan Rodgers ya ce Moussa Dembele yana jin dadin zama a Celtic, kuma kungiyar ba ta shirya sayar da shi ba.
Dembele ya ci kwallo 32 a wasa 39 da ya yi wa Celtic a kakar da ta kare tun lokacin da ya koma kungiyar daga Fulham kan fan 500,000.
Celtic za ta kara da Rosenborg a wasan cike gurbin gasar cin kofin Zakarun Tuari a Celtic Park a ranar Laraba.
An ci kwallo 308 a Firimiyar Nigeria
Bayan da aka yi wasa 308 a gasar cin kofin Firimiyar Nigeria, an ci kwallo 611 bayan da aka kammala wasannin mako na 31 a ranar Lahadi.
Kuma kwallo 472 aka ci a gida yayin da aka zazzaga 139 a waje, kuma saura wasa 72 a kare gasar da ake yi.
Asalin hoton, Getty Images
Robert Kubica zai yi tseren gwaji
Robert Kubica zai yi wa kamfanin Renault tseren mota a matsayin gwaji a karon farko a Hungary a ranar 2 ga watan Agusta.
Rabon da dan wasan mai shekara 32 ya tuka mota a Formula 1 tun hatsarin da ya yi a 2011, inda jikinsa ya shanye in banda hannunsa na hagu da ya dunga aiki.
Asalin hoton, Getty Images
Greg Rutherford ba zai yi Burtaniya wasa ba
Zakaran tsallen badaken duniya Greg Rutherford ya janye daga shiga gasar wasan tsalle-tsalle da guje-guje ta duniya da za a yi a Landan, sakamakon raunin da ya yi.
Dan wasan Burtaniya wanda ya ci lambar zinare a gasar Olympic da aka yi a Landan a 2015 da kambun duniya da ya lashe a 2015 ya ce ya yi bakinciki da ba zai shiga wasannin ba.
Haka shima Richard Kilty wanda aka zaba ya yi wa Burtaniya tseren mita 400 ta 'yan wasa hudu ba zai shiga gumurzun ba, sakamakon karya tsaya da ya yi a lokacin atisaye.
Burtaniya ta kara Shara Proctor da Jazmin Sawyers da Lennie Waite da Marc Scott da kuma Jess Turner cikin tawagarta.
Asalin hoton, Getty Images
Conte ya yi wa Fabregas alkawari
Kocin Chelsea, Antonio Conte ya yi wa Cesc Fabregas alkalin zai dinga saka shi a wasa akai-akai don haka ya bukaci dan kwallon ya ci gaba da zama a Stamford Bridge in ji Everning Standard.
Asalin hoton, Getty Images
Wasu damben da aka yi a gidan Ali Zuma da ke Dei-Dei a Abuja, Nigeria
Munich ta doke Chelsea a Singapore
Bayern Munich ta yi nasarar doke Chelsea 3-2 a gasar International Champions Cup da suka kara a Singapore.
Asalin hoton, Getty Images
Maradona ya goyi a samar da na'ura da za ta taimakawa Alkalan wasa
Diego Maradona ya goyi da bayan a kirkiro kimiyar da za ta taimakawa alkalan wasa wajen tantance idan kwallo ya shiga raga ko akasin hakan. Maradona ya ci Ingila da hannu a gasar cin kofin duniya wasan daf da na kusa da na karshe inda Argentina ta lashe karawar da ci 2-1. Haka kuma a fafatawar ce Maradona ya yi wata bajinta inda ya yanke masu tsaron bayan Ingila biyar a karawar da Ingila.
Asalin hoton, Getty Images
Leicester City ta dauki Eldin Jakupovic
Leicester City ta dauki mai tsaron raga Eldin Jakupovic daga Hull City kan yarjejeniyar shekara uku in ji Marca.
Dan kwallon shi ne na uku da Leicester ta dauka a bana bayan Harry Maguire da kuma Vicente Iborra.
Jota ya koma Wolves da taka-leda
Wolves ta dauki aron matashin dan wasan tawagar kwallon kafa ta Portugal, Diogo Jota daga Atletico Madrid.
Dan wasan mai shekara 20 ya buga wa Porto wasanni aro a bara, inda ya yi wasa karkashin kocin Wolves Nuno Espirito Santo. Jota ya fara buga kwallo a Pacos Ferraira daga nan ya koma Atletico kan yarjejeniyar shekara biyar a bara.
Asalin hoton, Getty Images
Palace ta dauki Riedewald
Crystal Palace ta dauki dan kwallon Netherlands mai tsaron baya Jairo Riedewald daga Ayax kan yarjejeniyarshekara biyar.
Riedewald, mai shekara 20, a baya ya buga kwallo karkashin sabon kocin Palace Frank de Boer, wanda ya fara saka shi a wasa a 2013.
Dan kwallon ya yi wasa 93 kuma yana daga 'yan wasan da suka ci kofin gasar Netherland a 2014.
Asalin hoton, Getty Images
Liverpool ta ce Palace ta biya kudin Sakho
Daily Mirror ta wallafa cewar Liverpool ta shaidawa Crystal Palace cewar ko dai ta biya kudin Mamadou Sakho fan miliyan 30, idan ba haka ba, ba za ta amince ta sake bata shi aro ba.
Asalin hoton, Getty Images
United za ta iya daukar Reanato
Independent ta wallafa cewar Manchester United za ta iya daukar Renato Sanchez na Bayern Munich in ji koci Carlo Ancelotti, wanda ya bayar da hasken cewar ba zai bar Arturo Vidal ya bar buga gasar Bundesliga ba.
Leicester ta yi wa Mahrez farashi
Roma ta tanadi fan miliyan 30 da wasu karin kudin tsarabe-tsarabe daukar Riyad Mahrez dan kwallon tawagar Algeria, sai dai Leicester City ta ce sai dai a biyata fan miliyan 50 in ji Daily Mail.
Asalin hoton, Getty Images
Takaitattun Labarin Wasanni na safiyar Talata
Madrid za ta dauki Mbappe a bana
Real Madrid za ta sayi Kylian Mbappe kan kudi Yuro miliyan 180 daga Monaco domin ya buga mata tamaula a Santiago Bernabeu a bana in ji jaridar Marca.
A labarin da ta wallafa ta ce wannan kudin da Madrid za ta biya Monaco zai haura wanda Manchester United ta sayi Paul Pogba daga Juventus a 2016.
Asalin hoton, Getty Images
Swansea ta yi watsi da tayin Everton na sayen Sigurdsson
Swansea ta yi watsi da tayin fan miliyan 50 da Everton ta yi domin sayen dan wasan Iceland Gylfi Sigurdsson.
Swansea na bukatar fan miliyan 50 ne kan dan kwallon mai shekara 27.
Sigurdsson bai bi kulob din zuwa Amurka ba, kuma yana ci gaba da atisayi ne da tawagar 'yan kasa da shekara 23 ta kulob din.
Tayin na ranar Litinin shi ne na farko da Everton ta yi kan dan wasan na tsakiya, sai dai ita ma Leicester City ta yi yunkurin sayensa tun farko.
Asalin hoton, Getty Images
