Neymar zai ci gaba da wasa a Barcelona

Karanta rubutu kawai domin rage cin data
Kai tsaye

Asalin hoton, Getty Images

Bayanan hoto, Neymar ya koma Barcelona a 2013, ya kuma tsawaita zamansa a 2016
An wallafa

Neymar zai ci gaba da taka-leda a Barcelona duk da rade-radin da ake cewar zai koma Paris St Germain a bana.

Mataimakin shugaban Barcelona, Jordi Mestre ne ya tabbatar da cewar ba za su sayar da dan kwallon ba, zai kuma buga kakar wasan da za a fara a Spaniya.

Rahotanni a Spaniya sun ce PSG na son sayen Neymar mai shekara 25, bayan da kungiyar ta dauki abokin wasansa a tawagar kwallon Brazil, Dani Alves.

PSG ta dauki Alves tsohon dan wasan Barcelona da Juventus, bayan da yarjejeniyarsa ta kare a kakar da ta kare.

Neymar ya koma Barcelona a 2013, a kuma watan Oktoban 2016 ya tsawaita zamansa a Camp Nou kan yarjejeniyar shekara biyar.