Barcelona za ta karbi bakuncin Juventus

Karanta rubutu kawai domin rage cin data
Champions League

Asalin hoton, Getty Images

Bayanan hoto, Juventus ce ta fitar da Barcelona a gasar da aka kare ta Zakarun Turan
    • Marubuci, Mohammed Abdu
    • Sanya sunan wanda ya rubuta labari, BBC Hausa
  • An wallafa

Juventus za ta ziyarci Barcelona a ranar Talata a wasan rukuni na hudu a gasar cin kofin Zakarun Turai ta 2017/18.

Kungiyoyin biyu sun kara a wasannin Zakarun Turai sau 11, inda Juventus ta ci karawa biyar, Barcelona ta ci wasa uku suka yi canjaras a fafatawa uku.

A gasar da aka kammala Juventus ta ci Barca 3-0 a Italiya, sannan suka tashi 0-0 a Spaniya, hakan ya sa Barcelona ta yi ban kwana da kofin da Real Madrid ta ci kuma na 12 jumulla.

A dai karawar ta rukuni na hudun, Olympiacos ta Girka za ta kece raini da Sporting ta Portugal.

Ga sauran wasannin da za a buga a ranar Talata:

  • Chelsea FC Qarabag Agdam FK
  • Manchester United FC Basel 1893
  • AS Roma Atletico de Madrid
  • Bayern Munich RSC Anderlecht
  • Celtic Paris Saint-Germain
  • Benfica CSKA Moscow