Sleep Paralysis: Ọ bụ amusu maọbụ ajọ mmụọ na-apigide mmadụ n'ụra oge ụfodụ?
Ụfọdụ oge, ndị mmadụ na-eche na o nwere mmụọ ọjọọ pigidere ha n'elu akwa ma ha na-ehi ụra, mana ndị ọkachamara sayensị na-akpọ ọnọdụ dị otu a 'sleep paralysis'.
Ọ na-eme ma nwoke, ma nwaanyị, nke mere ka ụfọdụ na-achọ enyemaka na be dibịa, nakwa ụlọ ekpere dị icheiche.
Mana BBC Igbo gakwuuru otu onye ọkacha mara ka ọ kọọrọ anyị nke ọma maka ọnọdụ a bụ 'sleep paralysis'.
End of Anyị chọrọ ịnụ olu gị: Enwetụla mgbe ụdị ihe a mere gị ? Pịa ebe a deturu anyị uche gị
Dkt Olajide Obembe bụ dọkịnta na-ahụ maka ọrịa isi nke bekee kpọrọ 'Psychiatristt', kọwaara BBC na ihe dị otu a bụ nsogbu nye ndị ụfọdụ.
Njirimara ya gụnyere na onye ahụ aghaghị enweike ikwu okwu, iweli aka maọbụ ụkwụ ya elu, n'ihi na ahụ ha ga-adị arọ.
Ọ sị na ihe ndị a mere ka ndị mmadụ na-eji anya egwu ele ya bụ ọnọdụ.
Dkt Obembe kọwara na ọtụtụ ndị mmadụ ekwenyeghị na nsogbu a bụ ihe ndị dọkịnta Bekee ga-agwọtanwụ, nke mere ha ji aga na be ndị dibịa na ụlọ ekpere dị icheiche.
Ọ gara n'ihu kọwaa na ihe ọ chọpụtara bụ na ndị ụdị ihe a na-emekarị bụ ndị anaghị enwe ezi ezumike maọbụ ndị na-eme oke ndọlị maọbụ na-aṅụ caffeine tupu ha arahụ.
O nyere ndụmọdụ maka etu ndị mmadụ nwereike iji gbalahụ ya bụ nsogbu.
Ihe izizi o kwuru bụ ka ndị nwere ụdị nsogbu a, wepụ ihere, ma gaa hụ dọkịnta na-ahụ maka ọrịa isi.
