Stòras Uibhist gus cosgaisean cùirte a phàigheadh

Chaidh òrdachadh don uachdaran coimhearsnachd, Stòras Uibhist, na cosgaisean cùirte a phàigheadh sa chùis eadar iad fhèin agus croitear à Snìosabhail.

Cho-dhùin Cùirt an Fhearainn san Damhair gur ann le Murchadh MacCoinnich a bha pìos talamhainn a chaidh a thoirt a-mach à talamh ionaltraidh.

Bha Stòras Uibhist air a bhith ag argamaid nach b'e talamh ionaltraidh a fhuair Mgr MacCoinnich idir, agus gur ann leothasan a bha e.

Chan eil fhios fhathast dè an t-suim a bhios aca ri pàigheadh.