Dùil ri casg air astar san Òban
- Air fhoillseachadh
Tha Riaghaltas na h-Alba a' cur sgeama air dòigh ann an oidhirp piseach a thoirt air sàbhailteachd air na rathaidean.
Dh'fhaodadh gun tèid casg air astar de 20 mìle san uair a stèidheachadh san Òban anns na mìosan a tha romhainn, mar phàirt de sgeama pìleat.
Tha Riaghaltas na h-Alba a' cur sgeama air dòigh ann an oidhirp piseach a thoirt air sàbhailteachd air na rathaidean.
A thuilleadh air an Òban, bheir an sgeama pìleat air dràibhearan a tha a' dol tro Maybole, an Leargaidh Ghallta, Biggar agus Langholm a dhol aig 20 mìle san uair.
Chaidh na sgìrean seo a thaghadh air sgàth na h-àireimh de thubaistean, na tha de thrafaig air na rathaidean, agus an astar aig am bi na carabadan a' siubhail.
Co-choimhearlachadh
Thuirt an Riaghaltas gun tòisich iad a-nis air co-choimhearlachadh a dhèanamh le Comhairle Earra-Ghàidheal agus Bhòid, agus le buidhnean coimhearnsachd eile.
Ma thèid aonta a ruighinn, thèid an casg air astar an sàs anns na sgìrean seo as t-Earrach neo as t-Samradh seo tighinn.
A rèir Mhinistear na Còmhdail, Keith Brown, cha bu chòir gum bi feum air obair einnsinìridh neo taic bho na Poilis airson an sgeama a chur an sàs.
