Na ceumannan cudromach

Chuir am Prìomhaire Daibhidh Camshron agus Prìomh Mhinistear Ailig Salmond an ainmean ri aonta eachdraidheil a chuir a-mach riaghailtean airson referendum a chumail air neo-eisimeileachd na h-Alba as t-Fhoghair 2014.

Ach cionnas a thàinig cùisean chun na h-ìre seo? Seo clàr-eachdraidh an sgeòil.

A' chiad thùs sgrìobhte mu Phàrlamaid Albannaich. Is coltach gun do choinnich a' Phàrlamaid ann an Kirkliston, taobh a-muigh Dhùn Èideann, agus an dàrna Rìgh Alasdair air an rìgh-chathair an Alba.

Taisbeanadh Obar Bhrothaig. Litir bhon 6mh Ghiblean 1320, dhan Phàp Eòin XXII, a' comharrachadh Alba mar stàit neo-eisimileach fo smachd an Rìgh.

Aonadh nan Crùintean. Seumas VI, Rìgh na h-Alba a' dol na Rìgh air Sasainn agus Èirinn an dèidh do cho-ogha, a' chiad Bhànrigh Ealasaid bàs fhaighinn, gun clann a bhith aice, ann an Sasainn.

Achd an Aonaidh. Alba agus Sasainn a' tighinn còmhla mar aon Rìoghachd Aonaichte - Breatainn. Thàinig an reachdas a-steach dhan lagh air an 1mh là den Chèitean 1707.

Ghlèidh Winnie Ewing fo-thaghadh Hamilton do na Nàiseantaich air 2na den t-Samhain.

Referendum air fèin-riaghladh ga chumail air an 1mh là den Mhàrt. Ged a bhòt 51.2% den luchd-bhòtaidh airson fèin-riaghalaidh, cha d' fhuair iad an 40% den t-sluagh a bha a dhìth airson a thoirt gu buil.

Cha tàinig ach 63.8% den fheadhainn a bha ceadaichte bhòtadh a-mach air an là.

Dàrna referendum air fèin-riaghladh. Bhòt 74.3% airson Pàrlamaid Albannaich le cead cìsean atharrachadh agus chaidh Achd na h-Alba 1998 a dhealbh.

B' e a bhith a' cruthachadh Pàrlamaid Albannaich aon de na prìomh bhunaitean ann am manifesto nan Làbaraich ron taghadh choitcheann ann an 1997.

Chaidh taghaidhean gu pàrlamaid na h-Alba a chumail an toiseach air an 6mh là den Chèitean 1999.

Air an 1mh là den Iuchar chaidh cumhachd a ghluasad bho Westminster dhan Phàrlamaid ùir.

An dàrna taghadh Albannach. Ghlèidh na Làbaraich 50 seat, nas lugha na an 65 seat a bha a dhìth airson mòr-chuid. Chaidh iad ann an co-bhanntachd leis na Libearalaich-Dheamocratach.

B' e an SNP an dàrna pàrtaidh a bu mhotha le 27 seat, ach bha an cuid-san den bhòt nas ìsle na an 35 seat a fhuair iad ann an 1999.

Ghluais Pàrlamaid na h-Alba bho thallaichean Àrd-Sheanadh Eaglais na h-Alba gu dachaigh ùr aig Holyrood.

Taghaidhean gu Pàrlamaid na h-Alba 'son an treas uair. An turas seo, 's e an SNP am pàrtaidh as motha le 47 seat an taca ri 46 aig na Làbaraich.

Stèidhich an SNP Riaghaltas beag-chuid, le taic bho na h-Uainich air cuid de ghnothaichean.

Chuir Alex Salmond "Còmhradh Nàiseanta" air bhonn, airson pàipear geal ullachadh a mhìnicheadh cuid de na roghainnean do dh'Alba san àm ri teachd.

Pàrtaidhean taiceil dhan Aonadh a' cur coimisein air chois, le Sir Coinneach Calman sa chathair, a' coimhead ri fèin-riaghladh às dèidh 10 bliadhna.

Torraidhean Coimisean Chalman gam foillseachadh. An aithisg a' moladh gum bu chòir do dh'Alba a bhith os cionn an dàrna cuid den chìs chosnaidh a tha ga cruinneachadh an Alba.

Tha i cuideachd ag ràdh gum bu chòir smachd a bhith aig Holyrood air astar ceadaichte nàiseanta, gunnaichean adhair, agus laghan dràibhidh fo bhuaidh na dibhe.

Airson a' chiad uair bho chaidh a' Phàrlamaid a stèidheachadh, fhuair aon phàrtaidh mòr-chuid a leigeadh leotha Riaghaltas a stèidheachadh.

Ghlèidh an SNP 69 seat (4 a bharrachd air na bha a dhìth). Thuit taic dha na Làbaraich gu 37 seat, agus chaill na Lib-Deamaich agus na Tòraidhean cuideachd tòrr bhòtaichean.

Aig co-labhairt an Fhoghair san Damhair, chur an SNP air bhog an iomairt aca airson neo-eisimileachd.

Air a' 15mh là den Damhair, thàinig am Prìomhaire Daibhidh Camshron a Dhùn Èideann a chur ainm ri aonta a leigeadh le Pàrlamaid na h-Alba reachdas a chur tron Phàrlamaid a chuireadh air dòigh referendum mu neo-eisimileachd do dh'Alba.

Thèid referendum, a' faighneachd am bu chòir do dh'Alba a bhith na dùthaich neo-eisimileach, a chumail air an 18mh là den Sultain.