MoD a' faighinn buaidh sa chùirt

Shoirbhich le Ministreachd an Dìon ann a bhith a' cur às do cho-dhùnadh Comhairle nan Eilean Siar cead a thoirt do leasachaidhean chrann-gaoithe ann an Uibhist a Deas.

Dh'iarr an MoD ath-sgrùdadh laghail às dèidh do chomataidh dealbhachaidh na comhairle cead a thoirt dha dà chrann ann an Bòrnais agus aon ann an Fròbost an-uiridh.

Chaidh an MoD gu Cùirt an t-Seisein 's iad ag ràdh gun toireadh na cruinn buaidh air na siostaman rèidear aca.

Chuir am britheamh, am Morair Doherty, co-dhùnadh comataidh na comhairle an dara taobh.

Thuirt Comhaire nan Eilean Siar nach biodh e iomchaidh dhaibh càil a ràdh gus am faigheadh iad breith mhionaideach na cùirte.

Ach tha coltas ann gum bi aig an t-ùghdarras ionadail ri beachdachadh air na h-iarratasan dealbhachaidh a-rithist.