An teaghlach Brain "misneachail"

Tha Gregg agus Kathryn Brain ag ràdh gu bheil iad dòchasach gun tèid aca air fuireach ann an Alba às dèidh dhith-se tairgse-obrach fhaighinn.

Tha a' chàraid, aig a bheil balach 7 bliadhna a dh'aois, air a bhith ann an cunnart a bhith air an cur a-mach às an dùthaich bho thoiseach na mìos seo.

Thàinig iad a dh'Alba à Astràilia ann an 2011 air bhìosa oileanach ach dh'atharraich Oifis na Dùthcha na riaghailtean bhon uair sin.

Dh'fhailich orra obair fhaighinn a thigeadh a rèir nan riaghailtean ùra.

A-nis tha Kathryn Brain ag ràdh gu bheil i air tairgse-obrach fhaighinn a choileanas na riaghailtean agus tha i ag ràdh gu bheil i "misneachail" gun leig e leotha fuireach ann an Alba.

Cha tèid sin a dhearbhadh chun na h-ath-sheachdainn aig a' char as tràithe.