Coinneamh shònraichte aig Coimisean na Croitearachd

Bidh coinneamh shònraichte de Choimisean na Croitearachd ann an Inbhir Nis Dihaoine - coinneamh a chaidh iarraidh le Fear-Gairm a' Choimisein, Cailean Ceannadach.

Tha dùil gum feuch e ri cur às de cho-dhùnaidhean bhon choinneimh mu dheireadh den bhòrd far an do dh'iarr na buill eile airsan a dhreuchd a leigeil dheth.

Chaidh a' choinneamh sin ann am Brùra air adhart às aonais Mhgr Cheannadaich às dèidh dhasan coiseachd a-mach aiste.

'S ann gu prìobhaideach a thèid gnothaichean a dheasbad Dihaoine.

Tha a' choinneamh a' tachairt air thoiseach air coinneimh àbhaistich den bhòrd an t-seachdain seo tighinn.