Ainm do choithional ùr

Dh'aontaich an dà choithional den Eaglais Shaoir anns an Rubha an Leòdhas gun gabh iad Eaglais Shaor Gharraboist air a' choithional aonaichte.

Chaidh Eaglais Shaor an Rubha a stèidheachadh an dèidh do phàirt den choithional sgaradh bho Eaglais Shaor a' Chnuic tràth anns na 1960an.

Thòisich gluasad a dh'ionnsaigh an dà choithional a thoirt air ais ri chèile an-uiridh, agus chaidh bhòtadh air ainm ùr thairis air na seachdainnean a dh'fhalbh.

Bha an t-Oll. Urr. Iain D. Caimbeul, nach maireann, an sàs ann a bhith a' toirt an dà choithional ri chèile.

Feumar a-niste an co-dhùnadh a dhaingneachadh aig grunn ìrean taobh a-staigh na h-Eaglaise Saoire.

Tha dùil gun tèid an cead deireannach a thoirt seachad aig Coimisean an Àrd-Sheanaidh san Damhair.