Planaichean 'son tuath-gaoithe gan diùltadh
- Air fhoillseachadh
Dhiùlt Riaghaltas na h-Alba cead a thoirt do thuath-gaoithe faisg air Loch Nis.
Thuirt am fear a sgrìobh an aithisg gun toireadh e ''fìor dhroch bhuaidh'' air an sgìre.
An-uiridh dhiùlt Comhairle na Gàidhealtachd cead dealbhachaidh a thoirt dhan phròiseact ann an Gleann Urchadain.
Bhiodh 13 cruinn-ghaoithe na chois a bhiodh còrr 's 120 meatair a dh'àirde.
Droch bhuaidh
Ach rinn na companaidhean air cul a' phròiseict, Force 9 agus EDF Energy, tagradh an aghaidh a' cho-dhùnaidh aca.
Dh'inns Riaghaltas na h-Alba Diluain nach tèid am pròiseact seo air adhart.
Thuirt am fear a bha a' rannsachadh an ath-thagraidh gun toireadh na cruinn àrda droch bhuaidh air an àite.
Chaidh iomradh a thiort cuideachd gum biodh iad ri fhaichinn bho làraich eachdraidheil, làraich bho linn an umha.
Chuir buidhnean strì fàilte air a' cho-dhùnadh.
