Milleadh aig Raon-Goilf Bhaile Dhùbhthaich

Dh'iarr na Poilis taic an t-sluaigh às dèidh mar a chaidh milleadh a dhèanamh aig Raon-Goilf Bhaile Dhùbhthaich.

Tha e coltach gun deach motar-baidhseagal no quad-baidhg a dhràibheadh air an raon.

Chaidh feansa a sgrios is rinneadh damaiste air trì de na tuill.

Tha na Poilis ag ràdh gun do thachair seo eadar 7:00f oidhche Mhàirt is 07:30m Diciadain.

Tha na Poilis ag iarraidh air duine sam bith le fiosrachadh mun chùis fònadh gu 101 agus àireamh NE12944/17 a thoirt seachad, no fònadh gu Crimestoppers air 0800 555 111.