Fèis Fhiolmaichean nam Beann tighinn don Ghàidhealtachd
- Air fhoillseachadh
Dealbh bhon fhiolm 'Imagination', fear de na fiolmaichean goirid
Bidh Fèis Fhiolmaichean nam Beann à Banbh ann an Canada a' dol air chuairt an ath-mhìos.
Tha an fhèis a' taisbeanadh grunn fhiolmaichean goirid mu shreap, baidhseagalan beinne, sgitheadh, caidheagadh agus siubhal eadar-nàiseanta.
'S ann mun spèiliche-deighe Yvonne Dowlen a tha 'Edges'.
Thig na fiolmaichean a Bhreatainn air an 13mh den Fhaoilleach.
Às dèidh dhan fhèis tadhal air Dùn Èideann agus Glaschu, thig na fiolmaichean a dh'Inbhir Nis air an 31mh den mhìos mus tèid iad a Sruighlea is Baile Chloichridh.
Dealbh bho 'Into Twin Galaxies - A Greenland Epic'
Tha 'Into Twin Galaxies' a' leanntail thriùir air chuairt anns a' Ghraonlann.
Am measg nam fiolmaichean a thèid a thaisbeanadh, chìthear aithris mun spèiliche-deighe Yvonne Dowlen, a bha 90 bliadhna a dh'aois agus a bhàsaich san Fhaoilleach 2017.
Agus 's ann mu Ben Page à Yorkshire a tha 'Frozen Road, a dh'fhulaing an fhuachd sìos gu -30C fhad 's a bha air chuairt air a' bhaidhseagal aige ann an ceann a tuath Chanada.
Ben Page anns an fhiolm aige 'Frozen Road'.
Into Twin Galaxies - sgeulachd mhòr mun triùir a bhuannaich duais Luchd-siubhail Turas-dùbhlanach na Bliadhna aig an iris National Geographic, a shiubhail tron Ghraonlann ann an caidheagan.
Agus 's e cuspair an fhiolm 'Imagination' fear-sgithidh a bhios a' dèanamh chleasan air an t-sneachda ann am bailtean mòra.
Thig an fhèis dhan Ghàidhealtachd aig deireadh an Fhaoillich
Na còirichean uile glèidhte.
