Sreapadair a' bàsachadh às dèidh tuiteam air Ghàidhealtachd

Chaill sreapadair a bheatha nuair a thuit e 's na beanntan air taobh an iar na Gàidhealtachd Disathairne.

Thachair an tubaist air Sgurr Thuilm ann an sgìre Ghleann Fhionnainn.

Cha deach an duine ainmeachadh gu h-oifigeil fhathast.

Lorg sgioba teasargainn corp Jim Stalker, a chailleadh air Beinn a Chaorainn ann an Loch Abar bho chionn còrr air cola deug air ais.

Chuidich heileacoptair nam maor-cladaich san iomairt theasargainn.

Tha dithis shreapadairean eile fhathast air nach d' fhuaireadh sgeul ann an sgìre na Gàidhealtachd agus iad air a dhol air chall ann an tachartasan eadar-dhealaichte bho chionn 5 seachdainnean.