Feansaichean àrd a dhìth ma thig madaidhean-allaidh

Tha luchd-rannsachaidh aig Oilthigh Sussex ag ràdh gum feumaiste feansaichean àrd a thogail ma thèid madaidhean-allaidh a thoirt a-steach a dh'Alba.

Tha an t-uachdaran agus fear-glèidhteachais Pòl Lister air a bhith a' strì bho chionn fhada airson madaidhean-allaidh a stèidheachadh às ùr air Oighreachd Aladail ann an Cataibh.

Tha luchd-rannsachaidh ag ràdh gum biodh feum air feansaichean àrda airson na beathaichean a chumail air falbh bho dhaoine, agus cuideachd a chum am maith fhèin.

Dh'fhaodadh feansaichean àrda bacadh a chur air luchd-coiseachd ge-tà, agus a dhol an aghaidh choirichean dhaoine a bhith a' coiseachd far a thogras iad.