Fear an grèim às dèidh ionnsaigh air bàt'-iasgaich
- Air fhoillseachadh
Chaidh an duine a leòn air tràlair a bh' ann an Caladh Sgrabasdal.
Tha fireannach, 45 bliadhna de dh'aois, fo chùram san ospadal agus dùil ann gun deach a shàthadh air bòrd bhàta-iasgaich, a bha ceangailte ann an Sgrabasdal.
Chaidh na seirbheisean èiginneach a ghairm chun a' bhàta Brisca, a tha clàraichte ann an Ulapul, anns a' chaladh ann an Gallaibh mu 12:00m oidhche Luain.
Thugadh an duine chun an ospadail ann an Inbhir Ùige.
Chaidh a ràdh gu bheil e air a dhoch leòn ach nach eil e ann an cunnart bàsachadh.
Thuirt na Poilis gun deach fireannach, a tha e fhèin 45 bliadhna de dh'aois, a chur an grèim co-cheangailte ris an tachartas agus gu bheil an sgrùdadh aca a' leantainn.
