Òraidichean air stailc nàiseanta

Tha òraidichean aig colaistean air feadh na dùthcha air stailc Diciadain, 's iad a' gearain mu phàigheadh.

Tha Comann nan Òraidichean Àrd-Ìre aig an EIS ag iomairt airson àrdachaidh "chothromaich" ann am pàigheadh mu choinneimh cosgais a' bhith-beò.

Tha na colaistean a' cumail a-mach gu bheil na tha iadsan a' tabhainn air òraidichean fialaidh, agus gun d' fhuair mòran òraidichean àrdachaidhean mòra sna beagan bhliadhnaichean mu dheireadh.

'S e seo an treas stailc nàiseanta aig colaistean ann an ceithir bliadhna.

Mura tèid a' chùis a rèiteachadh, tha trì stailcean a bharrachd air fàire aig an ìre seo.

Tha dùil gun toir an stailc Diciadain buaidh air grunn cholaistean air a' Ghàidhealtachd agus anns na h-Eileanan.