Cill Mhàillidh air ghleus
- Air fhoillseachadh
Rinn Cill Mhàillidh toiseach-tòiseachaidh sònraichte san iomain is iad a' soirbheachadh 2-0 ann am Bail' Ùr an t-Slèibh.
'S iad Daniel Stiùbhart is Liam Dòmhnallach a chuir na tadhail.
Rinn an aimsir sgrios air clàr nan geamaichean.
Cha robh ach aona gheama eile sa Phrìomh Lìog is shoirbhich Lòbhat an sin, le buaidh 5-0 an aghaidh Cheann Loch Seile.
San Lìog Nàiseanta, rinn an Gearasdan an gnothach 5-4 air a' Mhanachainn is b' e 3-0 a bh' ann do Ghleann Urchadain an aghaidh Shrath Ghlais.
Chaill Camanachd Leòdhais 7-1 ri Loch Carran ann an Lìog Tuath 2.
