Tagradh ùr mu Mhàrtainn Rhodes
- Air fhoillseachadh
Dh'fhaodadh gun robh Màrtainn Rhodes a' dèanamh air Slìoch nuair a chaidh e a dhìth
Tha na poilis air tagradh ùr a dhèanamh airson fiosrachaidh is iad a' feuchainn ri lorg fhaighinn air Màrtainn Rhodes.
Chaidh Mgr Rhodes, 46, à sgìre Halifax, fhaicinn mu dheireadh faisg air Ceann Loch Iù mu 08:30 Diciadain a chaidh.
Slìoch
Thuirt na poilis nach eil fhios le cinnt càite an robh e a' dol, ach gur dòcha gun robh e a' dèanamh air Slìoch no air beanntan Fisherfield.
Tha droch shìde air maill a chur air an iomairt theasairginn anns an robh na poilis, sgiobannan teasairginn beanntan, coin agus heileacoptair an sàs.
Tha Poileas Alba air iarraidh air luchd-coiseachd sùil a chumail a-mach airson Mgr Rhodes.
Togalaichean
Dh'iarr iad cuideachd air muinntir na sgìre coimhead ann an togalaichean a-muigh, mar sabhalan agus seadaichean.
Chaidh a ràdh gu bheil Mgr Rhodes 5tr. agus 4or. a dh'àirde, caol le falt goirid donn.
Chan eil fhios dè an t-aodach a bha air, ach 's dòcha gun robh baga-droma dubh aige
