Corp air a lorg sa mhuir far Mhuile
- Air fhoillseachadh
Chaidh fios a chur air na seibheisean èiginn oidhche Mhàirt
Dhearbh na maoir-chladaich gun deach corp fireannaich a lorg san iomairt airson fear le caidheag a bh' air a dhol a dhìth.
Chaidh na seirbheisean èiginn a ghairm oidhche Mhàirt an dèidh mar a chunnacas caidheag sa mhuir gun duine ann.
Rinn na poilis, sgioba teasairginn Thobar Mhoire agus Maoir-Chladaich Mhuile rannsachadh tron oidhche ann an oidhirp an duine a lorg.
Lean an oidhirp sin Diciadain agus fhuaireas corp an duine beagan ro 12:00f.
Tha Poileas Alba a-nis a' feuchainn ri teaghlach an duine a lorg.
