Cead ga iarraidh airson loidhnichean siop

Tha cead ga iarraidh airson loidhnichean siop a thogail air taobh siar na Gàidhealtachd.

Tha ceithir loidhnichean siop gam moladh airson làrach ann an Ceann Loch Lìobhann ann an Loch Abar.

Bhiodh aon loidhne 875m a dh'fhaid agus bhiodh i a' crìochnachadh air pontùn air Loch Lìobhann.

'S e Oighreachdan Gàidhealach Jahama a chuir am moladh air adhart,

Tha iad mar phàirt dhen bhuidhinn leis a bheil Leaghadair Loch Abair faisg air a' Ghearasdan.

Gheibheadh dhaoine chun na làraich air trèana dealain.

Tha oifigearan dealbhachaidh air moladh do chomataidh dealbhachaidh a' chinn a deas cead a thoirt dhan phlana.

Tha 114,000 acaire fearainn aig Oighreachdan Gàidhealach Jahama timcheall air a' Ghearasdan, an Ceann Loch Lìobhann agus ann an Lagan.