Tubaist mhairbhteach air Taobh Sear Rois
- Air fhoillseachadh
Tha Poileas Alba ag iarraidh bruidhinn ri duine sam bith le fiosrachadh mu thubaist mhairbhteach air Taobh Sear Rois air an deireadh-sheachdain.
Thachair an tubaist air an C1016 eadar Alanais is Achadh an Dùnaidh anmoch oidhche Shathairne.
Chaochail boireannach, 56, aig làrach na tubaist.
Bha i a' draibheadh Toyota RAV4.
"Tha sinn 'son faighinn a-mach cuin dìreach a thachair an tubaist seo", thuirt an Sàirdseant Kate Park bho Phoileas Alba.
"Tha mi ag iarraidh air duine sam bith a bha air an rathad seo eadar 10.30 oidhche Shathairne is 12.40 madainn Didòmhnaich a chunnaic an tubaist, no aig a bheil fiosrachadh sam bith mu deidhinn, a thighinn a bhruidhinn rinn", thuirt i.
Bu chòir fònadh dha na poilis air 101 is an àireamh 0161 29/11 a thoirt seachad.
