Tha co-bhanntachd de bhuidhnean glèidhteachais a' sìreadh taic an t-sluaigh ann a bhith a' cruinneachadh fiosrachaidh mu na h-àireamhan de gheàrran-monaidh ann an Alba.
'S e an aon ghnè dùthchasach de gheàrran ann an Alba a th' anns a' mhaigheach-mhonaidh ach chan eil fiosrachadh gu leòr ann a thaobh na th' ann dhiubh ann an sgìrean fa leth den dùthaich.
'S urrainn do dhaoine pàirt a ghabhail sa chunntas le bhith a' cleachdadh an app an asgaidh Mammal Mapper a chlàradh cuine is càite a chì iad fear de na beathaichean.
Cuidichidh am fiosrachadh a thèid a chruinneachadh le oidhirpean dìon a thoirt air geàrran-bàna na h-Alba.
Thòisich am pròiseact Diluain agus mairidh e airson bliadhna.
