Thug a' chompanaidh Nirribheach Mowi rabhadh seachad gum faodadh gum bi obraichean ann an cunnart aig an fhactaraidh mhòir aca anns an Eilean Sgitheanach mura tèid goireasan cusbainn a chur air dòigh an sin.
Tha iad ag ràdh nach bi cead aig soithichean a tha a' dol a Chaol Àcainn à Nirribhidh docadh ann bhon ath-bhliadhn' air sàilleabh riaghailtean ùra malairt.
Dh'iarr Mowi air Riaghaltasan na Rìoghachd Aonaichte agus na h-Alba coimhead air a' chùis.
Fo na riaghailtean ùra feumaidh soithichean docadh ann an Inbhir Ghòrdain airson cead cuspainn fhaighinn agus feumaidh an carago a dhol air làraidhean eadar taobh sear Rois agus an t-Eilean Sgitheanach.
Thuirt a' chompanaidh bhradain cuideachd gum bi buaidh nas motha aige sin air an àrainneachd.
