Cluichidh Ross County Hibs anns a' Phrìomh Lìg oidhche Chiadain.
Bidh an geam an Inbhir Pheofharain agus tha cothrom aig County a' bheàrn aig bonn na Prìomh Lìg a ghearradh gu puing.
'S e seo an geam a chaidh a chur dheth roimhe seo seach gun robh sgapadh Covid aig Hibs.
Tha Hibs anns an t-seachdamh àite anns an lìg an-dràsta.
Bidh sgioba Dhùn Èideann air togail fhaighinn bho mar a fhuair iad gu cuairt dheireannach Chupa na Lìg às dèidh dhaibh a' chùis a dhèanamh air Rangers 3-1 air an deireadh-sheachdain.
Choisinn County sia puingean bhon dusan geam mu dheireadh, agus cha do bhuannaich iad ach aonan dhe na geamannan sin.
