Lorg sgrùdadh le Meur Rannsachaidh nan Tubaistean Mara grunn adhbharan airson mar a chaill soitheach-bathair 34 bogsa-carago far chosta Ghallaibh.
Thuit an carago dhan mhuir ann an droch shìde, aig deireadh an Damhair an-uiridh.
Bha an soitheach-bathair an Francisca air a slighe bho Innis Tìle chun na h-Òlaind air an 31mh den Dàmhair an-uiridh.
Bha stuth am broinn a h-uile bogsa, ach aonan a-mhàin.
Cha deach duine a ghoirteachadh.
Fhuair Meur Rannsachaidh nan Tubaistean Mara nach do thuig an criutha cho cunnartach 's a bha an droch shìde, leis gun robh iad cho cleachdte ris.
Chaidh lorg cuideachd nach robh an carago air a dhìon mar bu chòir, agus gun robh an stuth a bha ga cheangal air fàs meirgeach.
