Tha Uàrd 7C aig Ospadal an Ràthaig Mhòir ann an Inbhir Nis dùinte do dh'euslaintich ùra, 's chan eil cead tadhal gun adhbhar riatanach, agus noro-bhìoras air sgapadh ann.
Tha cuideachd Uard 6C san ospadal dùinte le cùisean Covid-19 air an dearbhadh ann. Tha an uàrd sin cuideachd dùinte do dh'euslaintich ùra, le cead tadhail riatanach a-mhàin.
Tha NHS na Gàidhealtachd ag iarraidh air feadhainn a dh'fheumas tadhal air euslaintich san dà uàrd sin fios a chur orra ro làimh.
Tha iad ag iarraidh air feadhainn a thadhaileas deuchainn LFT a dhèanamh mus nochd iad aig ionad slàinte sam bith, 's gun tadhal mura h-eil sin a' dearbhadh nach eil Covid orra.
Chuir bòrd na slàinte cuideam air astarachadh sòisealta, nighe làmhan agus còmhdach aodainn a bhith air daoine air làraichean a tha leotha.
Thuirt iad gun robh iad duilich airson na buaidhe a tha na riaghailtean seo a' toirt air daoine.
