Bidh am Bac an aghaidh Aths sa chuairt dheireannaich de Chupa Leòdhais is an dà sgioba air buannachadh oidhche Luain.
'S e tadhal bho Eòghan MacAnndrais goirid ro leathach-slighe a rinn a' chùis airson a' Bhac an aghaidh Nis aig Col Uarach is an geama a' crìochnachadh 1-0.
Bha cùisean a cheart cho teann air an Tairbeart eadar na Hearadh agus Athletic.
Thàinig an tadhal cudromach sa gheama sin tràth san dàrna leth bho Fhriseal MacLeòid, is ged a bha cothroman aig na Hearaich 's ann a chrìochnaich e 1-0.
Bidh a' chuairt dheireannach ann Dihaoine an 20mh den Chèitean aig Pàirc Chnoc nan Gobhar.
Tha na geamaichean ann am ball-coise ionadail an t-seachdain seo mar a leanas:
Lìog Leòdhais agus na Hearadh - Dihaoine 06/05 (uile 7f)
United Steòrnabhaigh - Càrlabhagh
An Taobh Siar - Athletic Steòrnabhaigh
An Rubha - Na Lochan
Nis - Na Hearadh
Lìog an Eilein Sgitheanaich 's Loch Aillse - Disathairne 07/05
Port Rìgh - Malaig (3f)
An Caol - Juniors Port Rìgh (3f)
Slèite agus An Srath - Iar-Thuath an Eilein Sgitheanaich (6f)
Lìog Uibhist is Bharraigh - Diciadain 04.05.22
Southend - Uibhist a Tuath (air a chur dheth)
Disathairne 07/05
Barraigh - Saints an Iochdair (12:30f)
