Chaidh Riaghaltas na h-Alba às àicheadh gu bheil iad air buidseat na Gàidhlig a ghearradh.
Bha aithrisean air nochdadh gum biodh gearradh de £1m ann am buidseat na Gàidhlig mar phàirt de shàbhalaidhean còrr is £500m a dh'fhoillsich an Leas-Phrìomh Mhinistear, Iain Swinney, aig Comataidh Ionmhais Pàrlamaid na h-Alba Diciadain.
Ach thuirt an Riaghaltas nach eil gearradh ann a thaobh na Gàidhlig.
Tha iad ag ràdh gun deach £1m de thaic 'son na Gàidhlig a ghluasad bho bhuidseat stòrais na Gàidhlig gu buidseat calpa na Gàidhlig.
