Chaidh aon de na dùin as sine ann an Alba fhosgladh dhan phoball as dèidh cha mhòr 30 bliadhna de dh'obair-leasachaidh.
Chaidh Caisteal Ruaidh, faisg air Obar Neithich, a thogail le Clann Chuimein san 12mh Linn.
Tha an caisteal air muin chnuic a tha a' toirt seallaidhean farsaing thairis air sgìre Srath Spè agus beanntan a' Mhonaidh Ruaidh.
Bha e le diofar chinnidhean thairis air na linntean, na Frisealaich nam measg.
Fhuair Urras Chaisteil Ruaidh maoineachadh bho dhiofar bhuidhnean, nam measg Àrainneachd Eachdraidheil na h-Alba, Urras a' Mhonaidh Ruaidh, agus Pàirce Nàiseanta a' Mhonaidh Ruaidh, airson an obair-leasachaidh a ghabhail os làimh.
Gheibh daoine a-steach dhan làraich an-asgaidh agus tha i air a thabhann air mhàl airson thachartasan.
