Dh'innis Caledonian Mac a' Bhruthainn gun tèid an siostam ùr thiceadan aca beò air an 25mh den Ghiblean.
Tha grunn bhliadhnaichean ann bho gheall CalMac siostam ùr didseatach le ticeadan-d.
Thuirt a' chompanaidh gum bi e nas fhasa do luchd-siubhail ticeadan a cheannach agus atharrachadh bho seo a-mach, le barrachd sùbailteachd cuideachd a thaobh an t-seòrsa ticeid a tha iad ag iarraidh.
Dh'innis CalMac gun gluais ticeadadan sam bith a th' aig daoine mar-thà air an 25mh den Ghiblean agus às dèidh sin dhan t-siostam ùr.
Cha leig daoine a leas dad a dhèanamh is gheibh iad post-d leis na ticeadan ùra.
Sgioba
Cha bhi feum tuilleadh air ticeadan a tha air an ceannach air-loidhne a chlo-bhualadh aig an taigh no a thogail bhon phort, is ticeadan-d a' dol nan àite.
Thuirt CalMac gum faigh daoine barrachd fiosrachaidh mun t-siostam ùr an seo, taobh a-muigh.
Dh'iarr iad air duine sam bith le ceistean fios a chur thuca air fòn, post-d, no air twitter.
Dh'innis iad cuideachd gum bi sgioba shònraichte aca air an 25mh fhèin airson daoine a chuideachadh.
