Meilyr Jones yn ennill y Wobr Gerddoriaeth Gymreig

Meilyr Jones

Mae Meilyr Jones wedi cael ei gyhoeddi fel enillydd Gwobr Gerddoriaeth Gymreig 2016.

Albwm gyntaf cyn-ganwr Race Horses fel artist unigol - 2013 - ddaeth i'r brig o'r 12 albwm oedd ar y rhestr fer.

Wedi i'r band wahanu, aeth Meilyr i Rufain yn 2013, a'r ymweliad yma wnaeth ysbrydoli'r albwm.

Cafodd ei gyhoeddi fel yr enillydd mewn seremoni yn y Depot yng Nghaerdydd nos Iau.

Roedd nifer o artistiaid sy'n canu yn y Gymraeg wedi'u henwi ar y rhestr fer, fel 9Bach, Sŵnami, Plu ac Alun Gaffey.

Cafodd y wobr ei chreu yn 2011 gan y cyflwynydd radio, Huw Stephens, a'r hyrwyddwr, John Rostron.

Bydd Meilyr Jones yn ymuno ag artistiaid fel Gwenno a Gruff Rhys sydd wedi ennill y wobr yn y gorffennol.

Roedd yr enillydd yn cael ei ddewis gan 12 o arbenigwyr o'r byd cerddoriaeth, gan gynnwys y cerddor Amy Wadge, Dwynwen Morgan o Radio Cymru, y blogiwr Lowri Cooke a'r hyrwyddwr Gwyn Eiddior.

line break
Album covers

Y 12 albwm oedd ar y rhestr fer

Gweddill y rhestr fer:

  • 9Bach - Anian

  • Alun Gaffey - Alun Gaffey

  • Cate Le Bon - Crab Day

  • Climbing Trees - Borders

  • Datblygu - Porwr Trallod

  • Plu - Tir a Golau

  • Right Hand Left Hand - Right Hand Left Hand

  • Simon Love - It Seemed Like a Good Idea at the Time

  • Skindred - Volume

  • Sŵnami - Sŵnami

  • The Anchoress - Confessions of a Romance Novelist

line break