استرالیایۍ وکیلې مشرانو جرګه کې چادري اغوستې
د عکس سرچینه، EPA
په استرالیا کې د "یوه ولس" په نوم ښي اړخي سخت دریځي ګوند مشره پاولین هانسن د استرالیا مشرانو جرګې غونډې ته په چادرۍ کې ورغلې وه.
هانسن د مشرانو جرګې ته په داسې حال کې ننوتله، چې توره چادري یې اغوستې وه او پر څوکۍ تر کښېناستو وروسته یې د حاضرینو پام ځان ته ورجلب کړ.
د استرالیا د عدلیې وزیر جورج برانډیس د اغلې هانسن دا ګام غندلی او په هېواد کې یې مذهبي ډلو ته له سپکاوي ډک ګڼلی دی.
د مخالفو ګوندونو استازي پاڅېدل او هانسن ته د برانډیس د وینا پرمهال یې چکچکې وکړې.
نوموړي وویل: "نه، سناتورې هانسن، موږ پر چادري بندیز نه لګوو. "
هانسن په یوه ویناپاڼه کې ویلي: "په عامه ځایونو کې د حجاب بندیز اړتیا (چې ټول مخ پکې پټ وي) د معاصرې استرالیا لپاره یوه مهمه مسله ګرځېدلې ده. "
د عکس سرچینه، EPA
د استرالیا مشرانو جرګه به پر پنجشنبې ناوخته د هانسن له خوا پر برقع د بندیز وړاندیز وڅېړي.
د مشرانو جرګې مشر سټیفن پري مني چې اغلې هانسن د مشرانو جرګې ودانۍ ته له ننوتلو وروسته پېژندل شوې ده.
اغلې هانسن بیا وروسته خپله چادري لرې کړې ده.
پاولیسن هانسن په ۱۹۹۶ کال د استرالیا پارلمان ته لاره موندلې ده.
هغې په ۲۰۱۶ کال یوه لانجمنه وینا وکړه چې په وینا یې، استرالیا د "مسلمانانو له خوا ډوبېدونکې" ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
