د فلسطیني ماشومانو د نیولو وېډیو یومیلیون ځلې کتل شوې
پر خواله رسنیو هغه لانجمنه وېډیو کابو یو میلیون ځلې کتل شوې، چې الخلیل ښار کې اسرائیلي پوځيان پکې د یوشمېر فلسطیني ماشومانو په نیولو بوخت ښکاري.
د عکس سرچینه، btselem
الخلیل کې وروسته تر هغه خلک لارو کوڅو ته راووتل، چې ټرمپ قدس د اسرائیلو د پلازمېنې په توګه اعلان کړ.
په دې ښار کې د فلسطینیانو او اسرائیلي ځواکونو ترمنځ اخ او ډب هم رامنځ ته شو.
پر خواله رسنیو د اسرائیلي - فلسطیني لانجې متخصص خبریال او فعال بین وایټ خپره کړې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ YouTube پای
له تېرې دوشنبې ورځې راهیسې د نوموړي پر شخصي ټویټر دغه خپره شوې وېډیو نژدې یو میلیون کسانو کتلې ده.
پر وېډیو له ملنډو د ډکې تبصرې ژباړه: اسرائیلي پوځيان له ځانه په زړورتیا دفاع کوي، او د بې وسله فلسطیني ماشومانو له خوا د خطر مخه نیسي.
دا وېډیو د انګلستان پخواني لوبغاړي او د بي بي سي د مشهور Match of the Day لوبیز پروګرام خبریال ګیري لینیکر هم خپره کړې ده.
نوموړي دا وېډیو له شرم ډکه بللې ده.
د لینیکر پر ټویټ - چې تر ۱۵ زرو ډېر پر ټویټر لاس په لاس او بیا خپور شوی، اسرائیلو قوي غبرګونونه ښودلي.
د اسرائیلو د پوځ پخواني ویاند پیټر لیرنر لینیکر ته په خطاب کې پر دغې وېډیو خپرولو نیوکه کړې: "بښنه غواړم ګیري، تاسو کاملاً یوه نقطه هېره کړې. دغه ماشومان اړدوړ جوړوونکي دي او زموږ پر پوځيانو د ډبرو ګوزارونه کوي چې باید ودرول شي".
لینیکر - چې ټویټر یې تر شپږو میلیونو ډېر مینه وال لري - یې په ځواب کې لیکلي، دا خبرې د هغوی د نیول توجیه کېدای نه شي.
