د جګړې پر لومړۍ کرښه له ترکي ځواکونو سره

د ملګرو ملتونو په مشرۍ د سوريې سولې خبرو نوی پړاو ويېنا کې پيلېږي، چې د يوه نوي اساسي قانون لپاره د يو شريک غولي راکتلو زيار به په کې کېږي.

دا هڅه داسې وخت کېږې، چې سوريه کې دننه حالت لا پېچلی شوی، چې ترکيې د دغه هېواد شمال کې د کورديو ملېشو پر وړاندې د جګړې نوې جبهه پرانيستې ده.

ولسمشر ټرمپ له خپل ترکي سيال سره خبرې کړې، او دی يې په کې هڅولی چې د خپلو پوځي عملياتو زور کم کړي. دې راپور کې د سوريې ازاز ښار کې د جګړې د لومړۍ کرښې په اړه تازه حال ګورو.